आत्महत्या न्यूनीकरण सम्बन्धि सचेतना कार्यक्रम सम्पन्न

अन्तर्राष्ट्रिय आत्महत्या न्यूनीकरण दिवसको अवसरमा “आत्महत्या न्यूनीकरण दिवस” सम्बन्धी सचेतनामूलक कार्यक्रम सम्पन्न भएको छ।

खाँदबारी नगरपालिका, नगर कार्यपालिकाको कार्यालयको आयोजना र क्याम्पस प्रमुख श्री चित्ररेखा कार्कीको उपस्थित मा सञ्चालन भएको कार्यक्रममा वरूण क्याम्पसमा अध्ययनरत कक्षा ११ र १२ का विद्यार्थीहरू सहभागी भएका थिए। कार्यक्रममा आत्महत्या न्यूनीकरण, मानसिक स्वास्थ्यको ख्याल, आपसी सहयोग तथा समस्या पर्दा खुलेर संवाद गर्ने विषयमा सचेतना प्रदान गरिएको थियो।

कार्यक्रममा जनस्वास्थ्य अधिकृत सोमकुमारी जिमी,मनोसामाजिक परामर्शकर्ता (स्टाफ नर्स) रेनुका सुनाम ले सहजीकरण गर्नुभएको थियो । सहजीकरणका क्रममा विद्यार्थीहरूलाई मानसिक स्वास्थ्यप्रति संवेदनशील बन्न, आफ्ना समस्या तथा भावनाहरू विश्वासिलो व्यक्ति वा सम्बन्धित सहयोगीसमक्ष व्यक्त गर्न र साथीभाइ तथा समुदायमा सहयोगी वातावरण निर्माण गर्न प्रेरित गरिएको थियो।

वरुण बहुमुखी क्याम्पसको तर्फबाट आयोजित/सहभागी विद्यार्थीहरूलाई लक्षित यस कार्यक्रमले युवावर्गमा मानसिक स्वास्थ्य तथा आत्महत्या न्यूनीकरणसम्बन्धी सचेतना अभिवृद्धि गर्न महत्वपूर्ण योगदान पुर्‍याएको छ।